Прадмова да ўсёй Бібліі
| Прадмова да ўсёй Бібліі Аўтар: Францыск Скарына 1517 год Крыніца: https://knihi.com/Francysk_Skaryna/Pradmova_da_usioj_Biblii.html |
Прапануем да спампаваньня!
ПРЕДЪСЛОВИЕ ДОКТОРА ФРАНЦИСКА СКОРИНЫ С ПОЛОЦЬКА ВО ВСЮ БИБЛИЮ РУСКАГО ЯЗЫКА
Библиа – греческим языком, по рускии сказуется – книги, тако убо святый Матфей починаеть Христово благовествование: «Библос генезеос Исусу Христу» (Мц. 1. 1), то ест по рускии – «Книга родства Исуса Христова». А можете тым именем называти вси книги Ветхаго и Новаго закону для достойности его, понеже БИБЛИЯ зуполная все то в собе замыкаеть.
О сей книзе пишеть евангелиста, наперстник Христов, во Узъ явлении своем, глаголя: «И видех во десници седящего на престоле книги, написаны внутрь и зовнутрь» (Апак. 5.1). Написаны суть воистинну сие книги внутрь духовные е разумеющим о тайнах превеликих Божиих, яко же пишеть апостол: «О глубине богатества премудрости и разума Божия, яко неиспытаны суть судове Его и неизследованы пути Его» (Рым. 11.33). Написаны теж и зовнутрь, понеже не толико докторове а люди вченые в них разумеють, но всякий человек простый и посполитый, чтучи их или слухаючи, можеть поразумети, что ест потребно к душному спасению его, самому спасителю глаголющу: «Исповедаю ти ся, Отче, Господи небеси и земли, яко утаил еси сия от премудрых и разумных и открил еси тая младенцем» (Мц. 11.25). Прото ж добре Григорей Великий, учитель вселенский, о сей книзе пишеть, глаголя: «Святое писмо все иные науки превыша еть, понеже егда бываеть чтено, под простыми словы замыкаеть тайну».
И тако младенцем и людем простым ест наука, учителем же и людем мудрым подивление. Яко река дивная мелка – по ней же агнець брести можеть, а глубока – слон убо плавати мусить.
В сей книзе всее прироженое мудрости зачало и конець; Бог вседержитель познавай бываеть. В сей книзе вси законы и права, ими же люде на земли справоватися имають, пописаны суть. В сей книзе вси лекарства душевные и телесные зуполне знайдете. Ту навчение филозофии добронравное, яко любити Бога для самого себе и ближнего для Бога, имамы. Ту справа всякого собрания людского и всякого града, еже верою, соединением ласки и згодою посполитое доброе помножено бываеть. Ту научение седми наук вызволеных достаточное.
Хощеши ли умети граматику или, по рускы говорячи, грамоту, еже добре чести и мовити учить, знайдеши в зуполной Библии, Псалтыру, чти ее. Пак ли ти ся любить разумети логику, она же учить з доводом розознати правду от кривды, чти книгу светого Иова или Послания светого апостола Павла. Аще ли же помыслиши умети риторику, еже ест красномовность, чти книги Саломоновы. А то суть три науки словесные.
Восхощеш ли пак учитися музики, то ест певници, премножество стихов и песней светых по всей книзе сей знайдеши.
Любо ли ти ест умети аритметику, еже вократце а неомылне считати учить, четвертый книги Моисеевы часто чти.
Пак ли же имаши пред очима науку геометрию, еже по руски сказуется землемерение, чти книги Исуса Наувина.
Естли астрономии или звездочети – найдеш на початку книги сее о сотворении солнеца и месеца и звезд; найдеш во Исусе Наувине, яко стояло солнеце на едином месте за целый день; знайдеш во книгах Царств, еже солнеце воспять поступило не колико ступнев; знайдеш во светом Еувангелии о новосотворе ной звезде часу нарожения нашего спасителя Исуса Христа. Более воистинну чудитися превеликой Божией моци мусиш, нижли учитися. А то суть седм наук вызволеных.
Аще ли же кохание имаши ведати о военных а о богатырских делех, чти книги Судей или книги Махавеев, более и справедливее в них знайдеш, нежели во Александрии или во Тройи.
Пак ли же вократце сведати хощеши много тысещей лет летописець, чти книги Парапипомена. Там, поченши от Адама даже до Седехии, останочного царя Иудина, роды положены суть.
Потребуеши ли науки и мудрости добрых нравов, часто прочитай книги Исуса Сирахова а Притчи Саломоновы.
Надо все над то мы, хрестиане, ведаючи все науки быти ми нущие, потребуем речи вечное душного спасения. Чтимы ж уста вичне светое Еувангелие, а, чтучи е, наследуимы делы нашего избавителя Исуса Христа. А тако с помощию Его вниидем в живот вечный и в царство небесное, уготованное избранным Божиим.
Потреба теж ест ведати, иже Бивлиа делиться на двое: у Ветхий закон и у Новый. Закон Ветхий имать в собе двадесеть и четыре книг. Книги первые Моисеевы, суть Бытья. В них же пишеть о сотворении света, о зачале людского поколения, о розделений языков и земли, и о роде еврейском и вниитии их даже до Египту.
Вторым книги – Исход, еже суть написаны о нарожении Моисееве, о десети язвах фараоновых, о выштии из Египту сынов израилевых, о десятеру приказании Божием и о многих иных судех Его.
Третие книги – Леувит – пишуть о храме Божием, о ризах Аароновых, о жертвах и о службах леувитских.
Четвертые книги – Числа – кажуть о считании сынов израилевых, о дарех князей, о пророцестве Валаамове и о четырехде сяти а о двустанех и где же отпочивали суть на пустыни.
Пятые книги Моисеевы, рекомые Вторым закон, вызнаменають бо светое Еувангелие, и что у предних книгах положено ест широце, то сие кратце в собе замыкають. То ест Пентатеухон гречески или Пятеры книги Моисеевы.
О сих пяти книгах апостол пишеть, глаголя: «Но во церкви хощу пять словес умом моим глаголати, да иных научу, нежели тьму словес языком» (1 Кар. 14.19).
Затым книги светого Иова – зерцало долготерпения; вси слова в нем полны суть розуму. Стихами и гаданием е пишеть и о воскресении тел наших из мертвых наясней пророкуеть.
Потом Исус Наувин преходить Иордан, уводить сынов израилевых в землю обетованную, приемлеть Ерихон град, поразив царей многих, землю людем по жребиех розделил.
Книги пак Судей: Офонииля, Аиофа, Барака, Гедеона, Ептая и Самсона, – мужей пресилных и богатырев смелость выписуеть. При них книжка Руф, прабабы царя Давыдовы, положена ест.
По сей книги четырех Царств сынов израилевых у Бивлии положены суть. Передние двое называются от еврей Шмуел. В тых пишеть о нарожении Самуилове, о помазании на царство Саулове, о боех и о царстве Давыдове.
Задние пак двое называють евреи Млохим. В них же знайде ши, поченши от Саломона царя даже до Ехонии и от Еровоама, сына Навафова, царя даже до Осии, его же плениша до Асирии, – царей Иудиных и царей Израилевых четырьдесети справу выпи сану.
Затым двое книги Паралипоменона, еже опущеное во книгах Царств. И к тому, поченши от Адама даже до пленения Ерусалим ля Навходносором царем, премногие роды еврейские почитаеть.
К тому двое книги Ездры о вылущении з неволи перское людей еврейских, о ставлении удругое Ерусалима и храму светая светых, розделне по народех жиждуших, что который делали суть, и о леувитах вышедших выписуеть.
Потом книжка Товиф науку отцем, яко имають учити сыны своя, кажеть.
Паки книжка Юдифа вдовици. Она же для высвобожения отчизны, взор на собе мужем даючи, не лютовала ест живота своего.
По ней иная книжка Есфира царице, еже с Мардохеем зба вили от побитий людей израилевых.
За ними суть Песни царя Давыдовы, книги рекомые по гречески Псалтирион, а по еврейскии – Тилим, еже имають в собе кафизм двадесеть, псалмов полтораста, стишков или припелов две тысещи и шестьсот.
По Псалтыри кладутся трое книжки Саломоновы: Притчи, Еклезиаст и Песни песнем. Въ первых науку младенцем, во вторых – мужем, во третих – старым выписуеть.
За тыми суть книги Исуса, сына Сирахова, рекомые Церковник, всю науку о добрых нравех в собе замыкающе. Подле них ест книга Премудрость Божия, понеже наиболей пишеть в ней о страсти мученик Божиих и о житии светых Его.
Потом суть книги шестьнадесети пророков господьних. Исайя первый. Сей не толико пророчество пишеть о Христе, но подобен ест в нем евангелистом.
Вторый пророк Божий – Еремиа, во утробе материне по священый, во младости своей начал пророковати. К тому теже написал книжку, еже словеть Плачь Еремиин.
Третий пророк великий – Езекииль. Сей на початку книг своих пророковал о четырех евангелистах Христовых и на конци о храме Божием, а то велми сокрите.
Четверты пророк болший – Даниил, времен познаватель и всего света царств исказатель, час истый пришествия на землю Христова и смерть Его ясней иных ознамуеть.
Пророци пак меншие суть: Осия, сын Вериин, – первый; Иоиль, сын Фатуилев, – вторый, о сошествии Светого Духа на апостолы являеть; Амос, пастырь и пророк Господень, – третий; Авдей, он же исказуется раб Господень, – четвертый; Иона, сын Амафов, той три дни сущи во чреве китове, тридневное Христово воскресение преобразовал, – пятый; Михей от Морасхи – шестый пророк посреди меншими, о том пишеть во книгах Царств; Наум – седмый, пророкуя о Христе, глаголеть: «Се на горах ноги исповедующего и благовествующего мир» (Навум 1. 15); Аввакум – осмый, пророкуеть, глаголя: «Бог от полудня приидеть и святый от горы Фаран. Прикрила ест небеса слава Его, и хвалы Его полна ест земля» (Ав. 3. 3); Софония, сын Хузи ев, – девятый; Агей – десятый, пишеть: «Се еще мало, и порушу небо и землю, и море и сушу, и погну всеми народы, и при идет чааный всем языком» (Аг. 2. 6–7); Захария – одиннадеся тый, пришествие Господьне во Ерусалим, седящего на осляти, пророкуеть; Малахия – дванадесятый, а останочный от пророков менших.
На конци же Ветхаго завета положены суть двое книги Маха веев. А такс имате первую часть Бивлии высловену.
Другая пак часть Бивлии, еже ест Новый закон спасителный, – суть книги четырех еувангелистов или светое благовествование Матфея, Марка, Луки, Иоана, по четырех странах света имя Господ ьне несуще, яко колесница, и престол живоначалное Троици.
Затым – Павел апостол ко седма церквам пишеть послания, осмое ко евреем, Тимофея, и Тита и Филомона научаеть, – сосуд избранный и вчитель всех народов.
Потом – Деания апостолская о церкви Христове множащейся святый Лука евангелист, лекарь к душному здравию, пиша, науку даеть.
Потом – святый Яков, Петр, Иоан, Иуда седм соборных по сланией написали краткими словами, великое поучение нам ос тавляюще.
На конци Бивлии – Апокалипсия или Возъявления, книга светого Иоана положена ест; колико слов имуще, толико тайн в собе замыкающе.
О сих книгах всея Бивлии, подле малости розуму моего, роз делы вократце положих. А в чем бых ся омылих, разумнейшие поправте, прошу вас для Бога и для посполитого доброго.
Конець предсловию всея Бивлии.