Песьні-жальбы (1910)/Думкі/Месяц

Месяц
Верш
Аўтар: Якуб Колас
1910 год

Іншыя публікацыі гэтага твора: Месяц (Колас).

Прапануем да спампаваньня!

МЕСЯЦ.
Ціха месяц адзінокі
Ходзіць ў небе над зямлёю.
Неразгаданы, далёкі,
Што ты бачыш пад сабою?

Бачыш слёзы ты людзкіе,
Як з расою тэй ліюцца,
Як ў тумане думкі злые
Горкім плачэм аддаюцца;

Як бяз долі і бяз хлеба
Працавіты люд наш гнецца…
Кінь ты жальбу нашу ў неба —
Нехай неба ўскалыхнецца!