Песня паўстанца

Песня паўстанца Верш Аўтар: Леапольд Родзевіч Крыніца: Леапольд Родзевіч. Творы

Прапануем да спампаваньня!

Б'ём мы пана чым папала,
Абы гаду тут не жыць.
Каб слядоў яго не стала,
Песняй трэба такжа біць.
Біць ушчэнт чужынца-пана,
Біць паслужнікаў благіх,
А іх логава пагана
Запаліць з бакоў усіх.
Тож пладзіліся вякамі,
Кроў блакітна, бела косць,
Лезлі з Польшчы павукамі,—
Не міне іх наша злосць.
Будзем біцца мы з панамі,
Каб адбіць ахвоту ім)
Грунт араці мужыкамі,
Край наш польшчыць, зваць сваім.
Хай не хопіць нам аружжа,
Хай не хопіць ў песні слоў —
Ненавісці маем дужа,
Хопіць сіл, паб'ём паноў!