Паэт, ты вольнага Пэгаса…

Паэт, ты вольнага Пэгаса… Верш Аўтар: Вацлаў Ластоўскі 1923 год Крыніца: Часопіс «Крывіч», № 3, жнівень 1923 г., б. 1

Прапануем да спампаваньня!

В. ЛАСТОЎСКІ.

∗
∗     ∗

Паэт, ты вольнага Пэгаса
ў прыгожых дум ярмо ўпрагай
і тучны чорназём,
мінуўшчыны радзімай,
у ськібы стройныя складай!
Бо толькі гэта глеба
дасьць нам жаданы агняквет,
якім Крывіцкі геній
счаруе сьвет.
Бо толькі родны чорназём,
цяплом духовым абагрэт,
здалее даць пітомае красы,
прадзіўны квет.

∗
∗     ∗