Пагудка

З пляцоўкі Вікікрыніцы
Jump to navigation Jump to search
Пагудка
Верш
Аўтар: Янка Лучына
Крыніца: http://yankalychina.ru/categories/1.htm


3 песенькамі, чытацелі, нясмела прад вамі
3 добрай волі станаўлюся… Жартамі, слязамі
Складалася яно тое, што тут на паперы
Пісалася ў час думкі і ў добрай веры.
Чы забавы з гэтых песень хоць бы крышку будзе?..
Няхай судзяць братні людзі дый на братнім судзе.
Назбіралась вязаначка на дар маёй браці
Сярэдзь нашых палей, лясоў, сярэдзь сенажацяў.
Не для зыску збіралася і не дзеля хвалы,
Так — папросту, як збіраем зелле ў дзень Купалы,
Не завадзіць па мазолі мінутка вяселля.
Я стараўся асцерагчысь паганага зелля,
А чы тэта удалося?.. чы то зелле знаю?
Чым прыгодзен дар малы братам у родным краю?..
Думкі гэты мучаць душу у вашага брата,
Калі вінен — выбачайце!..
Чым хата багата!..