Описанье и оборона събору руского Берестейского/Оборона/2

ОБОРОНА СЪБОРУ БЕРЕСТЕЙСКОГО
Аўтар: Пётр Скарга
1597

Прапануем да спампаваньня!

Ижъ не была винъная речь светъскимъ ce съ такою униею оповедать.

Роздѣлъ 2.

Арътыкулъ вѣры есть: «вѣрую въ единую светую соборную и апостольскую церьковъ». О которой выклады чынить и розуменя збавенные давать — самымъ духовнымъ, епископомъ належить. Владыкове и епископи зъ науки католическое такъ тотъ арътыкулъ розумеють: ижъ одна церъковъ быть не можеть на земли, коли одного справъцы не маетъ, который бы одну веру задеръживалъ, и вси християны въ едно сти заховаль, и ростырки християнъские поровънывалъ и едналъ. Тотъ одинъ не есть инъший, одно Петръ светый съ потомъками своими, бискупы Рымъскими, яко то светые отцы выкладаютъ и нижей се слова ихъ положатъ; съ которымъ сполечность меть и его, яко головы, слухать - повинность есть збавенная епископова звлаща християнъскихъ. До такое науки и розъсудку мають ли якое право люди светские, абы ся безъ нихъ верыть и научать и заховать не мело, нехай каждый розознаетъ.

Суды о науце въ праве Божомъ и въ писме иереемъ даются, яко есть у Мойсея (книги 5 Мойсей, 17), где Панъ Богъ тое право ставить, абы зъ вонтьпливостями о науце и законе Божомъ зноситсе (до жерца, то есть) до каплана винъни были вси, и выроку его слухали, и непослушного и въ розуме горъдого, который бы на выроку (жерцовомъ, то есть) капланскомъ не переставалъ, вельми карать росказуєть. Што и пророкъ Езехиель (44) повторылъ мовечы: «и люди Моя да накажуть разлучити между светымъ и скверънавымь, и межи чыстымъ и нечыстымъ совестять имъ. И разсужение о крови да уставятъ, яко разсужати оправдания Моя и законы Моя и повеления Моя въ всихъ праздъницехъ». И Малахия пророкъ ясне мовить: «яко устнѣ иереове сохраняете разумъ, и закона взыщу отъ усть его: яко анъгель Господа Вседержителя есть». И король Езаѳать (въ книгахъ 2, глава 19 судовъ светскихъ зъ духовъными, съ тогожъ права Божого научный, не смелъ змешать; але до каплановъ (об. 23) мовить: «где есть пытане о законе, о росказаню Божомъ, о церемонияхъ, усправедливеню - указуйте людемъ, абы противъ Пану Богу не грешили». А особно до судей светскихъ мовить: «такъ а такъ судите, даровъ не берыте», и далей.

Написалъ Метаѳрасть Греческий въ «Животѣ светого Ницеты», о образы умучоного, ижъ до цесара Арменика иконоборцы тые слова мовилъ Теодорь казнодея: «слухай, цесару! не вдавайсе въ речи церковъные и ряду ихъ не переворочай. «Постановилъ Панъ Богъ въ церкви, мовить Павель светый (1 Кор. 12 ), напервей апостолы, второе пророки, третее пастыри, учители» на досконалость светыхъ. А королей нигде не вспоминаеть. Тобѣ, цесару, светское панъство и войско злецоно есть, тогожъ ты пилнуй, а справы церковные пастыромъ и учителемъ позоставъ». Штожъ бы тымъ паномь и шляхте посполитой реклъ, которые се о то гневаютъ, ижъ ce ихъ около науки и арьтыкуловъ веры владыкове старшие (24) ихъ не радили? Реклъ бы имъ былъ, и мы то мовимъ: смотрите своихъ речи посполитое и жолнеръскихъ справъ; рядите до мами своими, не наукою церковною, ани старъшими вашими, о которыхъ вамъ росказалъ Панъ Богь черезъ апостола, мовечы (ко Евъреемъ, 13): «поминайте наставъники ваша, иже глаголаша вамъ слово Божее: ихже взирающе на скончание жителства, подражайте веру ихъ». И далей тамъ же: «повинуйтеся наставником, вашимъ и покаряйтеся: тые бо бдять о душахъ вашихъ». Смотрите жъ, што вамъ Пань Богь росказуетъ: «веры, поведа, преложоныхъ своихъ наследуйте». Они зблудить не могуть, бо отъ Бога послани сутъ, и Духа Светого на то мають. Еслибы зблудили (што есть неподобно), вы бы есте были вымовени, а они бы были прокляты. Бо коли имъ Панъ Богъ верыть и слухать ихъ росказалъ, Самъ бы насъ завелъ, коли бы блудниковъ слухать казалъ. Певне имъ, кгды пры церкви и голове и навысшомъ пастыру церковъномъ стоять, блудить не допустить. Овца (об. 24) за пастыромъ идеть, не пастырь за овъцою: онъ рядить и ведеть, не овца рядитъ и вожомъ есть. Греческий учитель (Григорей) Назыянзенскый написалъ: «яко розный есть человѣкъ отъ быдляти, такъ епископъ, албо плебань розный есть отъ своихъ светскихъ учневъ, которые не своимъ розумомъ, але розумомъ пастыровъ своихъ въ речахъ духовъныхъ справоватьсе и своего доброго збавенного зъ ихъ науки искать мають». Для того жъ апостолъ до епископа мовить (до Тита, 2): «такъ научай и упоминай, и карай зо всякимь росказованемъ, нехай тобою нихто не погорожаеть»

Моглить владыкове свецъкимъ ce тежъ въ той мере овцамъ своимъ оповедеть, якожъ оповедали тымъ, о ко торыхъ розумели, ижъ ихъ науце и розуменью спротивятсе не мели, и много ихъ за собою потягнули. Але тымъ не винни были того своего предсевзятя оповедать, о которыхъ ведали, ижъ до едности перешкоды чинить мели и зъ геретыками се списовали. Бо нихто своего спротивъника до рады не береть; а лепей упорного минуть, нижаи его противь собе острыть, яко писмо мовить въ Приповѣстяхъ Саломоновыхъ: «хто научаеть насмевцу, самъ собе крывъду чынить; а хто кареть незъбожного, самъ себе мажеть». Певне тые, што зъ геретыками деръжать 4, до едности не помогуть. Бо геретыки, где могутъ, зъгоду костельную торъгаютъ, абы овъцы роспрошоные лацней окромъ громады и пастыра поимать и пожырать могли. А што ся отступенья патриархии дотычеть, на то не тымъ противникомь геретыкомъ, которые ее давно отступили, але верьнымъ Восточное церкви людемъ справу даемь, зъ самыхъ же Греческихъ докторовъ, учителевъ и гисториковъ, Латиньскихъ на тотъ часъ занехавши.