Ниже кто Христу любезный бывает…

З пляцоўкі Вікікрыніцы
Jump to navigation Jump to search
Ниже кто Христу любезный бывает…
Верш
Аўтар: Манах Віталь
1612 год
Крыніца: ІСІХАЗМ І БЕЛАРУСКАЕ АСВЕТНІЦТВА ПЕРШАЙ ПАЛОВЫ ХVII СТАГОДДЗЯ (МАНАХ ВІТАЛІ І ЯГОНАЯ “ДІОПТРА”)
Верш быў апублікаваны ў складзе кнігі «Дiоптра, албо Зерцало и выражене живота людского на том свете», выдадзенай ў Еўі.



* * *


Ниже кто Христу любезный бывает,
Разве сей, иже мир презирает.
Никтоже может Бога любити,
Аще себе, мир, не хощет презрети.
По сем, любимиче мой, познаеши,
Аще любов свою к Богу стяжаеши.
Егда прежде мира ся отречеши,
И в след Христов день и нощ течеши.
Темже елико Бога возлюбиши,
Толико вся земленная презриши.
Не хощет Бог имети раздвоено
В нас сердце наше, ниже разделено,
Но цело всегда хощет содержати.
Темже не достоит нам погубляти
Преблагаго сокровища толика.
Презираем под слонцем вся елика
Суть прелестна, духа утешение
Получим, и жития совершение5 .
Велия бо тщета, жизнь погубляти,
И человеком смертным угаждати.
Тем поминай святых звания,
А остав вся здешняя желания.
Любов мирскую нивочтоже вмени,
И жизнь сию на лучшую измени.