Не чаруй

З пляцоўкі Вікікрыніцы
Jump to navigation Jump to search
Не чаруй
верш
Аўтар: Казімір Сваяк
Крыніца: http://vershy.ru/content/ne-charui


Не чаруй мяне ты зорам,
Не чаруй красой;
Не чаруй сваім ты горам,
Не чаруй слязой.

Не чаруй ядвабнай коскай,
Ні вусноў агнём…
Не чаруй усмешкай боскай,
Ні святым жыццём.

Не чаруй дзявочым станам,
Не чаруй грудзьмі…
Каб не быў я пакараны
Богам і людзьмі.