Творы М. Багдановіча (1927—1928)/I/I/80

← 79. ⁂ Прыдзецца, бачу, пазайздрыць бяздольнаму Марку

80. ⁂ Непагодны вечар Верш Аўтар: Максім Багдановіч 1927 год

81. ⁂ Мы гаворым удвох пры агні ў цышіне →

Прапануем да спампаваньня!

80.

∗     ∗
∗

Непагодны вечар. Сумна, дружа, мусі?
Каб разважыць смутак, ціха запяваю:
— Ой, ляцелі гусі ды з-пад Белай Русі,
Скалацілі воду ціхага Дунаю.

Ёсьць любоў на сьвеце, здрада і расстаньне;
Шмат яшчэ чаго нам прыдзецца зазнаці…
Ўсё мацней пяю я аб чыімсь каханьні,
І тугі у сьпеве болей не схаваці.

1915-16.

Увагі

80. Непагодны вечар… Верш выдаецца з аўтографу (п. XI № 10, арк. 2). Адносна даты гл. ўвагу да вершу гэтага разьдзелу № 71.