Небывалыя часы

З пляцоўкі Вікікрыніцы
Jump to navigation Jump to search
Хрэст на свабоду Небывалыя часы
Верш з зборніка Хрэст на свабоду
Аўтар: Алаіза Пашкевіч (Цётка)
студзень 1905
Крыніца: http://rv-blr.com/literature/3673#58853
Мора


І песьні заціхлі, і сьмеху ня відна,
І дзеці старэнькімі сталі.
І ноты вясёлы музыкам браць стыдна,
Радасны струны парвалі.
І фарбы артыстаў смутна рысуюць,
І цені ясны зьміраюць.
І вершы паэты з жалем рыфмуюць,
І сэрцы кроўю сплываюць.

(Студзень, 1905)