На паняволеных гонях (1928)/Прабуджэньне

← Гутарка мужыка з панам

Прабуджэньне Верш Аўтар: Леапольд Родзевіч 1928 год

Кліч →

Прапануем да спампаваньня!

ПРАБУДЖЭНЬНЕ.

Вецер у сьцяну ночы злой задрагаў.
Вецер зьдзмухануў пыл начны са сцягаў.
Певень запяяў. Дзень сабраў ўсе росы.
Гук загаманіў гудам шматгалосым.

Выклікала з пушч сонца залатое
На абшары ніў вечна маладое,
Чырваньню яно зацьвіло яскрава —
Хто праснуўся, тым барацьба і слава.