На клейноты Окгинских и Воловичов

На старожытныи клейноты их м(илостей) княжат Окгинских и их м(илостей) панов Воловичов Верш 1616 год Крыніца: Анталогія даўняй беларускай літаратуры: XI — першая палова XVIII стагоддзя / НАН Беларусі, Ін-т літ. імя Я. Купалы; Падрыхт. А. І. Богдан і інш. Навук. рэд. В. А. Чамярыцкі — Мн.: Бел. навука, 2003. — 1015 с. ISBN 985-08-0571-4 — стар. 715, 984

На старожытныи клейноты их м(илостей)
княжат Окгинских и их м(илостей)
панов Воловичов

Двоякии, под гелмом еднаким, клейноты
Знаменитыи ясне выражают цноты
Двох презацных фамилий, в один дом злучоных,
В славе аж под самое небо вывышоных.
Тут крест старожитного набоженства знаком
И статечной веры в трафунку вшеляком.
Тут рада, тут ростропность местце свое мает
И як на небе месяц з звездами сиает,
Так ся тых преславныи домов блищать справы
И высоким их станом годныи забавы.
Тут стрелы преважную деялность высведчают,
Тут сличный цнот огород реки поливают,
Которыи вод живых здроем обфитуют
И память з заплатою вечною готуют.

Евангелие учительное. 1616 г.

---

Паводле Анталогіі беларускай паэзіі (1993)

На старожитныи клейноты их милостей княжат Окгинских и их милостей панов Воловичов Верш 1616 год Крыніца: Fontes historiae Magni Ducatus Lithuaniae (Анталогія беларускай паэзіі. Т. 1. Мн. С. 69)

На старожитныи клейноты их м(илостей)
княжат Окгинских и их м(илостей)
панов Воловичов

Двоякіи, под гелмом еднаким, клейноты
Знаменитыи ясне выражают цноты
Двох презацных фамілій, в один дом злучоных,
В славе, аж под самое небо, вывышоных.
Тут крест старожитного набоженства знаком
И статечнои веры в трафунку вшеляком.
Тут рада, тут ростропность местце свое мает
И як на небе месяц з звездами сіает.
Так ся тых преславныи домов блищат справы
И высоким их станом годныи забавы.
Тут стрелы преважную делность высведчают,
Тут сличный цнот огород реки поливают,
Которыи вод живых здроем обфитуют
И память з заплатою вечною готуют.

---