На жвіровыя ставіў я карты…

На жвіровыя ставіў я карты... Верш Аўтар: Уладзімір Жылка

Крыніца: http://old.knihi.com/bk/zylka/zylka1.html

Прапануем да спампаваньня!

 * * *

На жвіровыя ставіў я карты,
Хоць прыйшла рызыканту напасць,
Ды не брак рызыканцкага гарту,
Так і стаўлю на чорную масць.

І пад нос пасміхаюся крыва,
А кажу, каб не выдаць, што слаб, -
Што ж, на слодыч і шчасце мы хцівы, -
Вось з гарчэчай ужыцца патрап.

(?)