На біблійны лад

З пляцоўкі Вікікрыніцы
Jump to navigation Jump to search
На біблійны лад
Аўтар: Змітрок Бядуля
Крыніца: Заходняя Беларусь: зборнік грамадзкае мысли, навукі, літэратуры, мастацтва Зах. Беларусі / Вільня, 1923
З Кнігі Выслоўяў (прытчаў) Саламонавых. Пасля тэксту — увага: Верш гэты, напісаны ў 1914 годзе, быў сканфіскаваны ў «Нашай Ніве» маскоўскай ваеннай цанзурай.



Proverbia XXIII

Як за адным сталом засядзеш з панам есьці,
Калі не палахлівы — сунь свой нож у губы!
Фальшывы панскі хлеб ня будзе ў горла лезьці,
Ім, нібы жарствяком, паломіш сабе зубы.

Замест віна ў твой коўш нальець пан гідку кніну.
Пан громка скажа: «еш!» падумае: «давіся!»
Ўслух «братам» назавець, а ўдумках — «хам», «дубіна»…
Ня шчыры ён з табою. Бедны, сьцеражыся!

Абоймець пан цябе, — падумае: «сьмярдзючы!»
І заварожыць словам хітрым, як вужака…
Душу тваю ён купіць, купіць карк балючы;
Ты пойдзеш ад яго йшчэ горшым небаракам…

Ясакар