Наш Купала, наш пясняр вялікі

Наш Купала, наш пясняр вялікі Верш Аўтар: Язэп Пушча 1956 Крыніца: https://knihi.com/Jazep_Pusca/Viersy.html#chapter312

Прапануем да спампаваньня!

* * *

Наш Купала, наш пясняр вялікі
Свой народ да сонца, волі клікаў.
За табой пайшлі сыноў мільёны;
Да цябе зайшоў і я з паклонам.
Толькі не застаў у роднай хаце;
На жалейцы некаму зайграці.
У тваім, пясняр, святым музеі
Голаў нізка я схіліў, прыземіў.
На твае радкі жывыя глянуў,
Загаіў на сэрцы сваю рану.
Песняру пясняр аддаў пашану
І дырэктару музея гэтаксама.

5 студзеня 1956 г.

---