Нашы дні (1937)/Сталінская Канстытуцыя

← Сабе і сваім равеснікам

Сталінская Канстытуцыя Верш Аўтар: Якуб Колас 1937 год

Іншыя публікацыі гэтага твора: Сталінская Канстытуцыя.

Прапануем да спампаваньня!

СТАЛІНСКАЯ КАНСТЫТУЦЫЯ

Разгарнуў магутна раме
Край наш сталінскаю воляй.
Шмат чаго здабыта намі,
А здабудзем яшчэ болей.

Пройдзен шлях вялікі, трудны,
Мы — на радасным прывале,
На тым сходзе многалюдным,
Дзе лунае імя Сталін.

Ў нашым сэрцы гэта імя,
І на нашых вуснах — Сталін.
Свет законы яго ўспрыме,
Як людскіх свабод скрыжалі.

Не было нідзе спрадвеку
У жыцці такіх прагалін,
Дзе-б пашану чалавеку
Аддалі, як дае Сталін.

Правадыр наш, добры геній!
Праз вякі, праз часаў далі
Усім новым пакаленням
Сімвал шчасця будзе — Сталін.

1936 г.