Наша Ніва (1906)/1910/49/Памяці Л. Н. Толстога

Памяці Л. Н. Толстога Аўтар: Якуб Колас 1910 Крыніца: Наша Ніва. — 3 Сьнежня (Декабра) 1910. — №49

Іншыя публікацыі гэтага твора: Памяці Л. М. Талстога.

Прапануем да спампаваньня!

Памяці Л. Н. Толстога

Ты зышоў з жыцьця дарогі,
Дзіўны сьветач знік твой.
Прэд тваей, Вялікі, сьмерцю
Анямеў язык мой…

Ты зышоў з жыцьця дарогі, —
І ноч больш цямнее,
Тое царства цьмы, непраўды,
Што над намі вее,

Тая ночка зла, с каторым
Ваяваў ты, родны!
Ты зышоў з жыцьця дарогі,
Слаўны і свабодны.

Ты зышоў з жыцьця дарогі,
Але ўсё-ж душою
З намі будзеш, вечна будзеш
Зваць на бой нас с цьмою!

Якуб Колас.

11/XI—1910