Народны артыст БССР Уладыслаў Галубок (1929)

Народны артыст БССР Уладыслаў Галубок Жыцьцяпіс 1929 год

Прапануем да спампаваньня!

НАРОДНЫ
АРТЫСТ
БССР

Уладыслаў
Галубок

ГАЛУБОК Уладыслаў Язэпавіч, першы Народны Артыст Савецкай Беларусі.

Нарадзіўся ў Менску ў сям‘і сьлесара чыгуначнага дэпо ў 1882 годзе. Скончыў гарадзкую школу, працаваў на чыгунца, як рахункавод. З 1908 году зьмяшчаў у газэце „Наша Нива“ кароткія апавяданьні з жыцьця сялян. З 1917 г. пачаў пісаць драматычныя творы, якія і ставіў арганізаваным ім у 1920 годзе тэатральным колектывам. З маленькага аматарскага колектыву тэатр ГАЛУБКА вырас у вельмі папулярны на Беларусі Дзяржаўны Вандроўны тэатр, які абслугоўвае самыя глухія мястэчкі і нават вёскі, а таксама і рабочыя прыгарады.

ГАЛУБОК Уладыслаў выявіў пры гэтым арганізацыйны талянт, вялізную энэргію і надзвычайную працаздольнасьць, сумяшчаючы ў сваёй асобе на працягу дзесятка гадоў дырэктара, рэжысэра, актора і драматурга свайго колектыву.

Ім напісана болей 20 п‘ес, з якіх асабліва папулярны бытавыя драмы і комэдыі: „Суд“, „Ганка“, „Апошняе спатканьне“, „Пан Сурынта“, „Плытагоны“, „Пісаравы імяніны“ ды інш. 7—8 месяцаў у год яго трупа вандруе па Беларусі, пакрываючы часта сотні кілёмэтраў на падводах, а то і пешкі і даючы ў год болей за 200 спэктакляў. Савецкая Ўлада, пры якой і разгарнуў сваю дзейнасьць ГАЛУБОК, надала яму ў сьнежні 1928 году годнасьць НАРОДНАГА АРТЫСТА САВЕЦКАЙ БЕЛАРУСІ.

Выданьне аб‘яднаньня Беларускіх Пісьменьнікаў „ПОЛЫМЯ“

---

Галоўлітбел № 776.

2000 экз.

Менск, Друк. ФЗВ.