Мігцелі зоры ў цёмнай ночы…

З пляцоўкі Вікікрыніцы
Мігцелі зоры ў цёмнай ночы
Верш
Аўтар: Янка Журба
1914

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Мігцелі зоры ў цёмнай ночы, -
Калі спаткаўся я з табой,
Твае убачыў зоры-вочы,
Пачуў я смех срабрысты твой...

І разлучыўся зноў з табою;
Ізноў адзін застаўся я.
Цябе я жду, прыйдзі вясною
Ты, зорка ясная мая!

Я жду цябе ў дзень светлы мая,
Я жду цябе ўжо доўгі час.
Мне страшна: можа, доля злая
Навекі разлучыла нас.
 
Ўжо сонца ясныя праменні
Даўно лунаюць над зямлёй.
Зычлівы май мне шле натхненне...
Чаму цяпер ты не са мной?

К табе, друг мілы, сэрца рвецца.
Дарогай сумнаю іду,
А думка ўдаль - к табе імкнецца:
Цябе я жду!..