Музэй Івана Луцкевіча (Грышкевіч)

Музэй Івана Луцкевіча Верш Аўтар: Францішак Грышкевіч 1924 Крыніца: Часопіс «Студэнская Думка» (Вільня), № 1, сьнежань 1924 г., б. 24

Прапануем да спампаваньня!

Музэй Івана Луцкевіча

(У пятыя ўгодкі сьмерці 1919—1924).

Ты схоў сьвяты — ўсяго, што мелі,
У аддалі ланцуга сталецьцяў,
Слаўнейшы продкі Чарадзеі.
Будзь слаўны, бацька!—моляць дзеці.

Ты люстра нашых часаў волі,
Галоснай славы у сусьвеце;
Ты сьведак слаўных бойкаў ў полі.
Сьвятым будзь. мёртвы! — просяць дзеці.

Памяць Твая ў Краіне Славы,
Бязсьмертна будзе зігацеці.
Тварэц Усяго і Збаўца наш ласкавы!
Усьвяці Яго! бо хочуць дзеці.

Фр. Грышкевіч.

---