|
Яркая, прыветлівым і строгім
мудрым геніем правадыра,
ты прайшла вялікія дарогі,
нашай славы светлая зара!
Ты, высокая і ясная, над намі
у паходах баявых ішла,
цёмнымі асеннімі начамі
асвятляла незнаёмы шлях.
А ў суровыя, у сіверныя зімы,
калі сцюжы заляталі ў дом,
сем рэспублік маладой радзімы
саграваліся тваім цяплом.
Мы таму нідзе і не прысталі
у дарозе гэтакай цяжкой,
нас адно жывое імя — Сталін —
падымае і вядзе на бой,
У легендах услаўляюць людзі
гэтае жыццё большэвіка…
Песня, загрымі-ж салютам,
музыкаю кожнага радка!
Хай жыве прыветлівы і строгі
геній мужнага правадыра,
што паказвае табе дарогу,
нашай славы ясная зара!
1935 г.
|
Прапануем да спампаваньня!