Мой дом (1946)/Пажаданні пад новы год

З пляцоўкі Вікікрыніцы
У летні адпачынак Мой дом
Пажаданні пад новы год
Аўтар: Якуб Колас
Лес

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




ПАЖАДАННІ ПАД НОВЫ ГОД

Пажадаю, сябры-песняры,
Каб чарніла вы літры па тры
Улілі ў свае творы.
Ды каб іх чытаў чытачоў мільён,
Ды не так, як лякарства на сон,
На бяссоніцу хворы.

Каб гужом паплылі вашы драмы
У кіно, тэатральныя брамы, -
Як зярно для памолу.
Каб, зірнуўшы на іх, рэжысёр
Бок важнецка рукою падпёр,
Распачаў сваю школу.

Каб да самай да позняй начы
Мелі ўцеху ад іх гледачы
І сказалі-б: «Харошы».
Каб набілі за вечар няўзнак
Гледачы нашы — кончу я так -
Мазалі на ладошы.

26/XI — 1937 г.