Маладыя гады…

Маладыя гады… Верш Аўтар: Максім Багдановіч

Крыніца: http://rv-blr.com/vershu/view/381

Прапануем да спампаваньня!

 * * *

Маладыя гады,
Маладыя жаданьня!
Ні жуды, ні нуды,
Толькі шчасьце каханьня.

Помніш толькі красу,
Мілы тварык дзявочы,
Залатую касу,
Сіняватыя вочы.

Цёмны сад — вінаград,
Цьвет бяленькі вішнёвы, —
І вагністы пагляд,
І гарачыя словы.

Будзь жа, век малады,
Поўны сьветлымі днямі!
Пралятайце, гады,
Залатымі вагнямі!

(1915—1916)