Маладая Беларусь (альманах)/2/Ciška Hartny/III/Wietru

← Dziaŭčynie-tawaryšu…

Wietru Верш Аўтар: Цішка Гартны 1912 год

Dzie wy, hady maładyje… →

Іншыя публікацыі гэтага твора: Ветру (Гартны).

Прапануем да спампаваньня!

1. Wietru.

Wiej ty, wolny wiecier,
Wiej pa čystym polu.
I šukaj usiudy
Za mianie ty doli.

Pralaci ziamloju
Skroź pa świecie biełym
Dy šukaj staranna.
Dy šukaj umieła.

Może jana błudzić
Pa lasoch, pustyniach,
Źbiŭšysia z darohi
Ŭ pustkach dzikich hinie.

Może złyje ludzi
Dzie jaje strymali
I ŭ zamki z żaleza
Jaje zakawali,

Dy jana nia może
Wyrwacca na wolu, —
Ŭsio jaje pilnujuć,
Nie dajuć patoli…

Wiej-że, wolny wiecier,
Wiej pa świecie cełym
I šukaj mnie dolu.
Dy šukaj umieła.

A kali dzie najdzieš,
Prywiadzi z saboju, —
Ja chacia na chwilu
Padziŭlusia joju.

Pahladżu, pabaču,
Što jana za dziwa,
Ci papraŭdzie można
Z jeju żyć ščaśliwa.

A tabie-ż za heta
Wiecier, atpłačusia:
Pierad twajej mocaj
Nizka pachinusia.

---