Маладая Беларусь (альманах)/2/Ciška Hartny/II/Na čużoj staranie…

← Čylikajuć łastaŭki…

Na čużoj staranie… Верш Аўтар: Цішка Гартны 1912 год

Dziaŭčynie-tawaryšu… →

Іншыя публікацыі гэтага твора: На чужой старане…

Прапануем да спампаваньня!

6. Na čużoj staranie…

Na čużoj staranie nudna mnie,
Darahaja!
Nichto hora majho
Tut nie znaje.

Ja żywu sirotoj, sam saboj
Adzinokim,
Tolki z dumkaj ab tym
Niedalokim

Kali żyŭ ja s taboj, maładoj,
Jak na dziwa;
Byccam ptuški, ŭ dwaich
Tak ščaśliwa!

Kali časta mianie ŭ cišynie
Hałubiła,
I dychańnie żyćcia
Mnie daryła.

Ty lilejej ćwiła i była,
Jak lileja,
Soncem jasnym maim
I nadziejaj.

Kożny čas, kożny mih la dwaich
Raźjaśniaŭsia,
Ščaściem bujnym, światym
Rozliwaŭsia.

A ciapier kałaskom pad siarpom
Ja chinusia
I ad ciażkaj nudy
K tabie rwusia…

Na čużoj staranie nudna mnie,
Darahaja!..
Ciż nadyjdzie toj mih, što dwaich
Nas złučaje?..

---