Ліст Стэфана Баторыя (26 верасня 1581)
| Ліст Ліст Аўтар: Стэфан Баторый 26 верасня 1581 |
Прапануем да спампаваньня!
Листъ четвертый короля Стефана (ачъ не власне въ [с]правѣ релѣи Греческой даный, однакъ ку потверженью волности набоженства, въ конфедераціи варованой (и) явне служачій), дата съ-подъ Пскова, 26 сентевріа, року 1581.
«Стефанъ, зъ ласки Божей кр. Полс[к]ій, и прочая.
«Секретарови нашему, Державцы Стоклискому, войтови Виленскому, докторови въ правѣ, Августинови Ротундови Мелескому, и тежъ бурмистрови и радцамъ мѣста нашего Виленского.
«Дали намъ тую справу ихъ милость панове рада наша вел. княз. Лит., при насъ у войску на тотъ часъ будучи, релѣи Евангелицкой, же въ тыхъ недавныхъ часѣхъ немалый розрухъ ся сталъ въ томъ мѣстѣ нашемъ столечномъ Виленскомъ отъ тыхъ, которыи сутъ католицкой Рымской вѣры, противъ людемъ и министромъ Евангелицкого и Саского збору. Напередъ: же у друкара книги Евангелицкой науки, зъ росказанья к-з. бискупа Виленского, побрано [и] предъ костеломъ святого Яна попалены сутъ; тѣла змерлыхъ людей ку погребенью до мѣстъ ихъ, гдѣ ся ховаютъ, черезъ улицу, звлаща мимо костелъ святого Яна, носити и спѣвати при тѣлѣ змерлого католицы заказують, лжачи, сромотячи и волаючи за ними на улици, а то бы снать съ подущенья казнодѣовъ католицкихъ чинити мѣли; зачимъ и двохъ министровъ жацы изъ школы святого Яна и иншій кгмѣнъ на улици съ погребу идучихъ мало не укаменовали; а надто похвалки чинять, якобы зборы спустошити и збурити кгвалтомъ хотѣли. Што все отъ одной стороны слышачи, мусимо тежъ и другой ухо зоставити. Але если бы то такъ было, теды бысмы то зъ неласкою пріймовали, добре то бачачи, ижъ въ тыхъ панствахъ и кролевствахъ, гдѣ кгвалтомъ, огнемъ, мечемъ, а не наукою и добрыми обычайми вѣру кгрунтовати хотятъ, великое розлянье крве и знищенья зъ внутрной войны дѣются. Чого мы не одно, уховай Боже, въ посполитомъ запаленью, але тежъ и у межи особами приватымъ не радибысмо видѣли, и постерегатисмы повинни. И яко о все доброе ку розмноженью кр. Пол. и того панства вел. к-з. Лит., отъ Пана Бога намъ звѣреного, зъ найболшимъ усилованьемъ и выставленьемъ здоровья нашего противъ непріателеви стараемося, - такъ бысмы того овшемъ упріймо жадали, абы всѣ обыватели всякого стану, одного Бога хвалечи, одностайне католицкой старожитной вѣры были. Лечъ ижъ Панъ Богъ то проповѣдалъ, же погоршенья быти мусять вѣку того свѣта остатнего, — прото мы никого кгвалтомъ до вѣры тиснути не хочемъ; але, ведлугъ поприсяженья нашего всѣмъ станомъ такъ Короны Полской, якъ и вел. к-з. Лит., на коронацыи нашей щасливе учиненого, покой межи розными въ релћи хотячи заховати и оного боронити, и тую повинность присяги нашей хотячи завше передъ очима мѣти, а сумнѣнье въ вѣрѣ каждого спущаючи на судъ Пана Бога Всемогущого. Кгдыжъ не одно за такимъ обовязкомъ нашымъ захованя и обороны покою въ релѣи, на особу нашу кор. отъ всѣхъ становъ обоего панства вложеномъ, але тежъ и за стародавнымъ звычаемъ того панства розныхъ въ вѣрѣ людій въ ихъ набоженствѣ терпимо, — росказуемо тогды вамъ, абысте заразомъ, скоро тотъ листъ нашъ васъ дойдетъ, явне въ недѣлю на рынку и по улицахъ въ томъ мѣстѣ нашемъ Виленскомъ обволати дали, абы во всемъ ведле способу и обычаю, здавна ажъ до тыхъ часовъ щасливого панованья нашего заховалого, спокойне ся заховали, и жадныхъ причинъ до розруховъ не давали. А еслибы кто, покой посполитый взрушаючи, упорне а своволне розрухъ якій вщиналъ, — тогды абысте такового каждого, юриздиціи вашей подлеглого, съ повинности уряду вашего до науки нашей на урядѣ задержавши, намъ о томъ знати давали конечне, иначей того подъ ласкою нашею не чинячи. Данъ зъ обозу нашего подъ Исковомъ» и прочая, яко вышей. «Стефанъ кр. Вацлавъ Акгрипа, писаръ».