Люлі-люлі-люлі, пайшоў кот па дулі…

Люлі-люлі-люлі, пайшоў кот па дулі… Калыханка Аўтар: народ Крыніца: http://knihi.com/Roznaje/Luli-luli-luli,_pajsou_kot_pa_duli.html

Прапануем да спампаваньня!

Люлі-люлі-люлі,

Пайшоў кот па дулі,

Адмарозіў лапку,

Прыйшоў грэцца ў хатку.

Недзе кату дзецца,

Лапачцы пагрэцца,

Ўзлез бы на палаткі,

Дык баіцца бабкі.

Палез бы ён вышы,

Дык баіцца мышы:

Там мышы дурэлі,

Кату хвост ад’елі.

Пайшоў каток у лясок,

Знайшоў каток паясок,

А котачка адняла

Ды дзіцяці аддала.

Пайшоў каток пад масток,

Злавіў рыбку за хвасток.

Ці самому з’есці,

Ці дзіцяці несці?

Думаў каток, думаў,

Думаў ды надумаў:

І сам разок укушу,

І дзяцяці занясу.

Прыляцелі гусі

А з Беленькай Русі.

Палі-селі на крыніцы,

Сталі яны ваду піці,

Ваду піўшы, размаўляці,

Як сон дзіцяці даці.