Лукішкі (1929)/Зазьвінеце струны…

← Малацьба

Зазьвінеце струны… Верш Аўтар: Алесь Салагуб 1929 год

На Вяльлі →

Прапануем да спампаваньня!

ЗАЗЬВІНЕЦЕ, СТРУНЫ…

Зазьвінеце, струны, — сэрца майго дзеці,
Разьвейце дрымоту, з вачэй маіх сон.
Ня дайце засохці маладому ў цьвепе,
Песьняй абудзеце бацькаўскі загон.

Зазьвінеце, струны, і парвеце путы,
Што скавалі край наш — не даюць дыхнуць.
Маладое сэрца спырскалі атрутай,
Прад вачыма сьветлы засланяюць пуць.

в. Заруднічы
2-V—26 г.