З пасьмертных твораў Р. Жакоўскага

З пасьмертных твораў Р. Жакоўскага Верш Аўтар: Рамуальд Жакоўскі 1920 год Крыніца: Беларускае Жыцьцё. — 11 сакавіка 1920. — №6 (28); бач. 6

Прапануем да спампаваньня!

З пасьмертных твораў Р. Жакоўскагага.

∗
∗     ∗

Мінулі, ня вернуцца болей ніколі
У забыцьцё зышоўшые дні,
Памёрлі надзеі аб шчасьці і долі,
Навекі яны уплылі.

∗
∗     ∗

І толькі ўспаміны — самотные думкі,
Як зданьні паўночы, ўстаюць.
І вабяць так сэрцо былые малюнкі
І грудзі балючые рвуць…

∗
∗     ∗

А чулае сэрцо зноў бьецца, як білось,
І зноў распаляецца кроў,
І зноў для каханьня яно расчынілось
Зноў мукі прыняць я гатоў…

Знайшоу у паперах і падау.

М. Міцкевіч.