З Новым Годам (Цётка)

З Новым Годам Верш Аўтар: Алаіза Пашкевіч (Цётка) 1908 Крыніца: http://rv-blr.com/verse/show/58963

Прапануем да спампаваньня!

* * *

Гэй ты, братка Новы годзе,

Што з сабою нам нясеш?

Што пасееш ты ў народзе?

Што на нівах ты пажнеш?

Ці разьвяжаш ты нам путы,

Ці ня будзеш нам ліхі?

Ці зноў прыйдзеш такі ж люты,

Як той сёмы быў, стары?

Ці разгоніш цёмны хмары,

Ці сьлязу з вачэй абтрэш?

Ці, як бацька, кінеш чары

І да сьпячкі пазавеш?

Гэй, скажы нам?!

1908

---