Зорным шляхам (1932)/Места вагнявокае/Рассыпалісь іскрынкі — зоры…

← ⁂ (Лаўлю адрыўкамі разгул мястовы…)

Рассыпалісь іскрынкі — зоры… Верш Аўтар: Хведар Ільяшэвіч 1932 год

Дымнае места →

Прапануем да спампаваньня!

∗
∗       ∗

Рассыпалісь іскрынкі — зоры
Ў нябеснай, лядзянай далі…
Цямнеюць, як волаты — горы
І цені ў лагчынах ляглі…

Цяпер гарады загарэлісь —
Нью-Йорк… і Парыж… і Бэрлін…
О, зор! Ці неба вы веліч?
Ці вы, гэта — водблеск зямлі?..

1930.