Збор твораў (Колас, 1928—1929)/I/2/IV/З Каўказу

← Шорхае варожа

З Каўказу Верш Аўтар: Якуб Колас 1928 год

Пыл →

Іншыя публікацыі гэтага твора: З Каўказу.

Прапануем да спампаваньня!

З КАЎКАЗУ

У залатой калясцы сонца,
Вандруе зноў у сьвет дзянёк,
Ня зьмеран шлях яго бясконцы,
Завіты ў сонечны вянок.

Замерлі горы ў тонкай сіні,
Глядзіць, як бог зямлі, Эльбрус,
І патыхае сном пустыні
Яго засьнежаны абрус.

Маўклівы горы, дзіка-немы,
ня жывяць мысьлі іх чала,
І вісьне мут адвечнай дрэмы,
Як сум хаўтурнага стала.

1926 г.