Збор твораў (Колас, 1928—1929)/I/1/II/Многа слаўненькіх куточкаў…

← Хмаркі

Многа слаўненькіх куточкаў… Верш Аўтар: Якуб Колас 1928 год

Родныя песьні →

Іншыя публікацыі гэтага твора: Многа слаўненькіх куточкаў…

Прапануем да спампаваньня!

∗
∗     ∗

Многа слаўненькіх куточкаў
Ёсьць у нашым краю,
Дзе пад гоман ручаёчкаў,
Пад шум дрэў у гаю

Рой журботных дум пакінеш;
Дзе няма трывогі,
Дзе душою адпачынеш,
Змучаны з дарогі;

Дзе прыемны ветрык млее,
Збажыну калыша,
Дзе пакоем-згодай вее,
Дзе ўсё шчасьцем дыша.

1909 г.