Збор твораў (Гартны, 1929—1932)/1/Песьні працы ў прыгоне/На збанок і йдзі…

← Пазыў

На збанок і йдзі… Верш Аўтар: Цішка Гартны 1930 год

Я ня маю срэбра… →

Іншыя публікацыі гэтага твора: На збанок і йдзі…

Прапануем да спампаваньня!

НА ЗБАНОК І ЙДЗІ…

На збанок і да крыніцы
Зачарпнуць схадзі вадзіцы,
Што плюхоча — серабрыцца,
І напіся ты яе, —

Хай у прыпарную сьпякоту,
За рупліваю работай,
Поўнай утомы, поўнай поту,
Яна сілы паддае,

Падліе бадзёрай сілы
Ўсяму целу, а цела-ж — жылам,
Да работы сьпешнай, пілай
Дасьць ахвоту, дасьць пазыў.

Хай заходзяць прутка рукі,
Паліюцца песьняў гукі
І ня будзе ў працы мукі
На прасторы сьвежых ніў.

Праца будзе паспарацца,
Сэрца-ж радасьцю гайдацца,
Глядзючы на буйны плён.

На-ж збанок і да крыніцы,
Зачарпнуць схадзі вадзіцы,
Што крышталем серабрыцца,
І змый ўтому, і змый сон.

Капыль, 12/XI 1912