Збор твораў (Бядуля, 1937)/IV/Мой скарб

← *** Я — спадчына вякоў, сын даўніх пакаленняў

Мой скарб Верш Аўтар: Змітрок Бядуля 1937 год

*** Стозычныя, высокія →

Іншыя публікацыі гэтага твора: Мой скарб.

Прапануем да спампаваньня!

МОЙ СКАРБ

Мой скарб мацней жыцця і смерці,
Бяссмертны ён у смертным сэрцы.

Мой скарб блішчыць — мой скарб багаты,
Даступны ўсім — ён не закляты.

Мой скарб — ад зор, мой скарб — ад неба,
Мой скарб — ад гор, мой скарб — ад глебы.

У глыбі вод, у шэптах бору,
У шоўку траў, у птушках хоры.

У серабры вільготных росаў,
У харастве дзявочых косаў,

У марах-снах, у тайных муках,
У гусляроў на струнных гуках.

1922 г.