Збор твораў (Бядуля, 1937)/II/Гэй, на золак рана ўстаньце

← *** Ні хмаркі адной. Гарачы дзень вясны

*** Гэй, на золак рана ўстаньце Верш Аўтар: Змітрок Бядуля 1937 год

Вавілон →

Іншыя публікацыі гэтага твора: Гэй, на золак рана ўстаньце…

Прапануем да спампаваньня!

∗   ∗
∗

Гэй, на золак рана ўстаньце,
Ў полі трубіць гучны рог.
На зялёнай на палянцы
След расісты нейчых ног.

Зараз, зараз брызне сонца,
Вунь з-за рэчкі к нам плыве.
Чуем сонца на сасонцы,
Над травою ды ў траве.

У спяванні птушкі малай,
У журчанні ручаін,
У казанні хвойкі мшалай,
У ружовасці далін.

1922 г.