Захварбаваныя вершы (1936)/Прынёс цягнік з вясковых даляў…

← Вы далёка, вясёлыя вуліцы…

Прынёс цягнік з вясковых даляў… Верш Аўтар: Хведар Ільяшэвіч 1936 год

За ноч, як я спаў у ложку… →

Іншыя публікацыі гэтага твора: Прынёс цягнік з вясковых даляў…

Прапануем да спампаваньня!

Прынёс цягнік з вясковых даляў
Мяне у места зноў назад…
Яшчэ ў ваччу не перастала
Жаброўна плакаць стада хат.
Глытаю шум бясконцых вулак,
Пераглядаю кожны кут.
Я зноў раблюся нейкі чулы
І ў кожнай шыбе бачу цуд.
І так мне жаль вясковых стрэхаў —
Як доўга цягнецца там час — —
Каб мог, я б выслаў для пацехі
Ўсе аўтабусы на паказ.