Захварбаваныя вершы (1936)/Па вёсках Беларусі…

Па вёсках Беларусі… Верш Аўтар: Хведар Ільяшэвіч 1936 год

Сьцены! Я вас праславіць хачу… →

Іншыя публікацыі гэтага твора: Па вёсках Беларусі…

Прапануем да спампаваньня!

Па вёсках Беларусі
сялянскі едзе воз…
На ім труна ў дзярузе,
ў труне той — поўна сьлёз…
Ляжыць на веку ліра —
ў ёй струнаў цэлы рад —
Галосяць яны шчыра
на нашаніўскі лад.
Выходзяць людзі гурмам
і жаласна глядзяць —
А гэты воз хаўтурны
здалёк усё чуваць…