Захварбаваныя вершы (1936)/Гмахі плывуць у блакітныя змрокі…

← Сьцены! Я вас праславіць хачу…

Гмахі плывуць у блакітныя змрокі… Верш Аўтар: Хведар Ільяшэвіч 1936 год

Навакол муры — простыя лініі… →

Іншыя публікацыі гэтага твора: Гмахі плывуць у блакітныя змрокі…

Прапануем да спампаваньня!

Гмaxi плывуць у блакітныя змрокі,
Быццам у прыстань на ноч караблі —
Рушылі цені вячорныя ў скокі,
Зоркі да дахаў бліжэй падплылі.
Быццам трывогу ад сэрца аднялі,
Подыхам сьвежасьці думкі ўзьнялісь —
Час:
калі ў вулках блакітныя далі
Й змрокі дрыжачыя клічуць кудысь.
Хутка пальлюцца ў счарнеўшыя высі
Тысячы крыкаў і вогненных зьмей…
Вечар!
Кароткі — пяшчотны —
Туліся да зачарованых нашых вачэй…