Заранкі (1924)/Дзеткам/У школку

У школку
Верш
Аўтар: Янка Журба
1924 год

Іншыя публікацыі гэтага твора: У школку (Журба).

Прапануем да спампаваньня!

У ШКОЛКУ.

Сонейка зірнула
Ў мёрзлае вакно,
Іскрамі зазьяла
Дзіўна так яно.

Рана ўстаў з пасьцелькі
Хлопчык Васілёк,
І ў вакно убачыў
Сьветленькі дзянёк.

Жыва ён памыўся,
Паўтарыў урок,
Кісяльку пасьнедаў
З таткам Васілёк.

Сёньня дзень вясёлы,
Зьяе яснатой:
Добра бегчы ў школку
Дзеткам грамадой.

За вакном, як срэбра,
Скрозь бялеўся сьнег.
Хлопчык хутка ў школу
З сябрамі пабег.