Дзень за днём

Дзень за днём Верш Аўтар: Янка Лучына Крыніца: http://yankalychina.ru/categories/1.htm

Прапануем да спампаваньня!

Ой! Скажэце, скажэце,
Як жыць трэба на свеце?
Хмары скрылі нам сонца,
Вецер вые над нівай,
У каторай старонцы
Шукаць долі праўдзівай?
Той улева, той ўправа
Хочуць весці нас радай,
Трэці надта цікавы,
Куды пойдзем грамадай.
Ні адзін жа не скажа,
Куды будзе дарога…
Што нам братне, што уража
Пытай праўды у Бога.
Папытайся сумлення
Дый і розум мей ўласны,
Як наскочуць здарэння
Ці прыпадак няшчасны,
А то думай на сходзе
Ці пытайся у Іцка.
Што ж каго там абходзе
Наша доля мужыцка.