Дактрына (Гейнэ/Таўбін)

З пляцоўкі Вікікрыніцы
Jump to navigation Jump to search
Дактрына
верш
Аўтар: Гайнрых Гайнэ
Пераклад: Юлі Таўбін
Крыніца: Шляхам гадоў: Гіст.-літ. зб. / Уклад. У. Мархель. — Мн.: Маст. літ., 1990. — С. 228—229. — 372 с.



Бі ў барабан і забудзься пра страх,
Цалуй маркітанку, брат, —
У гэтым мудрасьць усіх навук
І сэнс разумнейшых цытат.

Будзі барабанам санлівых людзей
І стукай нястомна: тук-тук…
Наперад, б’ючы ў барабан, маршыруй, —
Вось сутнасьць усіх навук.

Вось Гэгелевай філёзофіі зьмест,
Вось сэнс разумнейшых цытат —
Я гэта даўно ўжо зразумеў
І стаў барабаншчык-хват.