Грамата сялянам-даннікам падняпроўскіх і задзвінскіх валасцей

Грамата сялянам-даннікам падняпроўскіх і задзвінскіх валасцей Грамата Аўтар: Жыгімонт Стары 2 кастрычніка 1511 году Крыніца: https://pravo.by/pravovaya-informatsiya/pomniki-gistoryi-prava-belarusi/kanstytutsyynae-prava-belarusi/letapisy-gramaty-pryvilei-khii-khvi-st-st/gramaty-khv-khvi-stst-vyalikaga-knyastva-lito-skaga/gramata-karalya-i-vyalikaga-knyazya-zhygimonta-i-staroga-syalyanam-dannikam-padnyapro-skikh-i-zadzvi/

Прапануем да спампаваньня!

Жикгимонт… (т)

Чиним знаменито сим нашим листом, што перво сего многокроть жалобы приходили к нам з волостей наших Поднепрьских и Задвиньских, т.е. с Кричова, с Пропойска, с Чечерска, с Горволя, с Речицы, с Брягина, с Мозыра, с Бчича, с Бобруйска, с Свислочи, с Любошан, с Усвята, с Озерищ, и тыми разы били нам чолом вси тых волостей наших данники, иж им тяжкость великая ся деет, не только в нынешние валечные часы, от тых, которых жо коли посылаем на службу нашу, чтож кладучися промежку их волостей войском, их ницують и грабят; а наболей отяжають собе от писарей наших, которых жо посылаем по тым волостем нашим недополнков даней наших правити, иж слуги их, от году до году, не выезжаючи на тых волостех мешкають, кормчы сытят для своего пожитку, а волости наши мусят им на каждую неделю страву давати грошми и стацеею, и по нескольку сторожов, и к тому судят их и рядят, и вины великий на них беруть; а и сами писари наши, зъехавши на волости, непомерные взъезды и стацеи на них жо беруть, и для своих присудов и вин на каждой волости мешкають по кольку недель, а они их стравовати мусят, а как, с того великого драпежства и грабежу, многие данники наши с тых волостей наших разошлися, а тыя, которые ся еще остали, не только сполна дани нашое, але и половицы, от колька лет вжо, каждый год не могуть заплатити.

И били нам чолом вси тых волостей наших данники наши, абыхмо их при старине зоставили, как бывало за предков наших, за вел кн Витовта и Жикгимонта, иж они сами, собравши дань грошовую, и бобры и куницы, отношивали до скарбу нашого, а мед пресный до ключа, и подвязалися нам тым обычаем штож всю тую дань нашу, грошовую, и медовую, и бобровую,и куничную, мають нам отнести до скарбу и до ключа нашого, всю сполна, подле стародавнего обычая, на роки звычайныи, а то есть первый рок божье нароженье, другий Серодопостье, третий - Великий день, а подвязались нам тым обычаем: естли бы на тые вышейписаные роки всее сполна дани нашое грошовое, и медовое и бобровое, и куничное до скарбу и до ключа нашого не отнесли, тогды маеть подскарбий наш нынешний пан Аврам Езофович и по нем будучий подскарбий, после Великодня, ничого не меш-каючи, послати децких своих и тую дань нашу на них справити, з винами нашими и з децкованьем их. Мы с паны радами нашими помысливши о том и бачучи их слушную прозьбу, которая ж есть з нашим пожитком, тым есмо их пожаловати; от тых часов вжо писари наши не мають к ним для недополнков дани нашое въезжати и тую дань правити, а ни слуги их; мають они сами, на тые вышейписаные роки, дань нашу грошовую, и медовую, и бобровую, и куничную до скарбу и до ключа нашого относити; а естли бы на тые вышейписаные роки не отнесли, тогды мает подскарбий наш слуг своих на вси волости послати, и они, ехавши, мають дань нашу и недополлнки (?) на волостех справити с децкованьем, и теж доход канцелярский, а мы особно маем их за то винами нашими карати Также и доход писарский, т.е. въезд их и тивунщину, то все мають до скарбу нашого сами относити. занеж вжо от тых часов, и тивунове по свой доход не мають к ним въезжати.

Также што перед тым по тым волостем нашим писари або державцы, т.е. наместники и тивунове тых волостей кормчы на себе сычивали: по та места вжо, как державцы, так и писари наши и тивуны корчом сытити не мають; мы берем тые кормчы к нашой руце: где ся нам на которой волости увидит корчмы мети без шкоды данников наших, там кажем корчмы сытити, а плат их до скарбу нашого носити.

Сталося и дано на великом сойме Берестейском лета божьего 1511 месяца октября 2 дня, индикта 15.