Вянок (1927)/Думы/Дзе вы, лясоў, палёў цьвяты?

∗ Дзе вы, лясоў, палёў цьвяты?
Верш
Аўтар: Максім Багдановіч
1927 год

Іншыя публікацыі гэтага твора: Дзе вы, лясоў, палёў цьвяты?..

Прапануем да спампаваньня!

∗
∗ ∗

Дзе вы, лясоў, палёў цьвяты?
Вас холад загубіў!
Чаму-ж ён срэбныя цьвяты
На гэтым шкле ўзрасьціў?

Ім, бледным, мёртвым ня збудзіць
Былога пачуцьця,
Як не змагу яго збудзіць
Халодным вершам я.