Вянок (1927)/Вольныя думы/Гутарка з паненкамі

← Уступ

Гутарка з паненкамі Верш Аўтар: Максім Багдановіч 1927 год

∗ Вы кажаце мне, што душа у поэта… →

Іншыя публікацыі гэтага твора: Гутарка з паненкамі

Прапануем да спампаваньня!

ГУТАРКА З ПАНЕНКАМІ.

„Пабачце! Ластаўка малая
Для птушанят гняздо зрабіла,
І клапатліва ўкруг лятае, —
Аж паглядзець прыемна-міла!“

„Вельмішаноўныя паненкі!
Тут ёсьць, напэўна, трохі цуду.
Ў гняздзечку міленькім і сьценкі,
І дно яна зьляпіла з бруду“.