Вянок (1914)/Старая Беларусь/Безнадзейнасьць

Безнадзейнасьць
Верш
Аўтар: Максім Багдановіч
1914 год

Іншыя публікацыі гэтага твора: Безнадзейнасьць (Багдановіч).

Прапануем да спампаваньня!

БЕЗНАДЗЕЙНАСЬЦЬ.

Скарына, доктар лекарскіх навук,
У доўгай опратцы на вежы сочыць зоры.
Яны спрыяюць! Час! З рухавых рук
Скарыны пье адвар пан земскі пісар хворы.
І ўраз пабачыў ён, што ізумруд
Ў пярсьцёнку залатым на пальцы штось імгліцца,
Што блеску ў ім німа… І з болем: тут
Ён зразумеў, што ўжо к жыцьцю не вараціцца.