Вянок (1914)/Вы, хто любіце натрапіць…

⁂ Вы, хто любіце натрапіць… Верш Аўтар: Максім Багдановіч 1914 год

⁂ Чуеш гул? →

Іншыя публікацыі гэтага твора: Вы, хто любіце натрапіць…

Прапануем да спампаваньня!

Вы, хто любіце натрапіць
Між страніц старых, пажоўклых
Кнігі, ўжо даўно забытай,
Блеклы, высахшы лісток, —
Праглядзіце гэты томік:
Засушыў я на паперы
Краскі, сьвежые калісьці,
Думак шчырых і чуцьця.