Выведзьце, жаночкі…

Выведзьце, жаночкі… Песня Аўтар: Ян Чачот Крыніца: http://bk.knihi.com/cacot/cacot5.html

Прапануем да спампаваньня!

Выведзьце, жаночкі,

З карчмы мужыкоў;
Вазьміце за рукаў,
Скажыце: дамоў!1
Дзеткі без хлеба

Плачуць і крычаць;
Волікі гукаюць
Авечкі мычаць.
Конік пад карчмою

Ўвесь дзень стаіць;
Ніхто яму не даў
Ані есць, ні піць.
Ты адзін міленькі

Ўсё ў карчме прапіў;
Жонку, і дзетачкі,
І хату забыў!