Водгульле (1922)/Месяц

← Песьня жніва

Месяц Верш Аўтар: Якуб Колас 1922 год

„Рыну!“ →

Іншыя публікацыі гэтага твора: Месяц (Колас).

Прапануем да спампаваньня!

МЕСЯЦ.

Ціха месяц адзінокі
Ходзіць ў небе над зямлёю.
Неразгаданы, далёкі,
Што ты бачыш пад сабою?

Бачыш сьлёзы ты людзкія,
Як з расою тэй ліюцца,
Як ў тумане думкі злыя
Горкім плачам аддаюцца,

Як бяз долі і бяз хлеба
Працавіты люд наш гнецца…
Кінь ты жальбу нашу ў неба—
Няхай неба ўскалыхнецца.