Водгульле (1922)/Да вясны

← Захад сонца

Да вясны Верш Аўтар: Якуб Колас 1922 год

Песьні зімы →

Іншыя публікацыі гэтага твора: Да вясны.

Прапануем да спампаваньня!

ДА ВЯСНЫ.

Мароз, зіма,
Сьнягі вакол,
І сьпіць трава,
Пад сьнегам дол.

Мяцеліца,
Вятры гудуць,
Ў лугох дубы
Шумяць, равуць…

Ці скора-ж ты,
Жаданны час
Вясны-красы,
Ідзеш да нас?

Ідзі, згані
Сьнягі з палёў
І вывядзі
Раку з акоў!

Акрый лугі,
Адзень лясы
На жыта кінь
Крыштал расы!

Сагрэй ты нас,
Цяплом абвей!
Ідзі, вясна!
Ідзі скарэй!

³⁰/I 1911 г.